امبارح حد كان بيحكيلي عن تجربة عاطفية مر بيها، مش عارفة ايه خلاه يحكيلي بس ما علينا! بعد ما سمعت الحكاية مقدرتش أبطل ضحك وبكل تلقائية لقتني عمالة أضحك قدامه لحد ما الولد اتحرج تقريباً....
يمكن ضميري أنبني بعد كدة لما ضحكت وكسفته بس الموضوع بيفكرني بنفسي أيام المراهقة اللي مكانتش من بعيد قوي :D المهم قولت له رأيي كالعادة بكل صراحة.... ومتأكدة من إني وجعته بكلامي بس أعمل ايه مش قصدي :) بس ساعات تحب الناس يفوقوا من أوهام عايشين ومعذبين نفسهم بيها.
المهم وبعيد عن الضحك الهستيري بتاع امبارح، قعدت افكر كدة بهدوء وقلت "أحيييه"
هي الناس في مصر وصلت للمرحلة دي إزاي؟ مش بس طايشين وتلاقي علاقات بتبتدي في 5 دقايق وتخلص في دقيقة واتنين كانوا ولهانين وفجأة بيلعنوا في بعض.... لأ الرجالة بقوا Cool قوي.... والبنات بقوا Much Cooler
يا دي النيلة... مش هعرف أكمل النوت المعفرتة عشان لو صديقي اياه قراها حيزعل قوي
هما كلمتين كانوا خانقني وكنت عايزة أقولهم!
No comments:
Post a Comment