النهاردة حسيت بس قد ايه أنا محظوظة إني عايشة في مصر، مش عشان عيد الثورة ولا عشان أنا إيجابية بزيادة، بالعكس أنا شايفة إن في حاجات كتير متطمنش وخايفة برضه من بكرة، بس عندي إيمان إن البلد حتقف على رجلها من تاني زي ما وقفت مليون مرة قبل كدة!
محظوظة إني مصرية عشان مش عارفة أكون غير مصرية... قابلت كتير من جنسيات مختلفة وقابلت برضه مصريين ياما عايشين برة ونسوا إنهم مصريين بجد، بقوا مسخ ملوش معالم لا مصري ولا أجنبي متعرفلوش ملة ولا دين...
كنت زمان بقول مفيش مستقبل غير برة مصر، دلوقتي مقتنعة تماماً إن مفيش مستقبل غير في مصر.
لو حشحت جوة بلدي يبقى أرحم من إني أكون مليونيرة بس من جوايا شخص مشوه وعايش برة بلده بيحلم باليوم اللي يرجع بلده عشان يدفن فيها...
الحمد لله على إني مصرية
No comments:
Post a Comment